Positibo sa red tide toxin ang mga shellfish na nakuha mula sa walong lugar sa bansa.
Kabilang dito, ayon sa BFAR ang Irong Irong Bay sa Western Samar, Matarinao Bay sa Eastern Samar, Coastal Waters at Carigara Bay sa Leyte, Lianga Bay sa Surigao Del Sur, Honda Bay sa Puerto Princesa City sa Palawan, Coastal Waters ng Mandaon sa Masbate at coastal waters ng Bataan tulad ng Mariveles, Limay, Orion, Pilar, Balanga, Orani, Abucay at Samal.
Sinabi ng BFAR na bawal humango, magbenta, bumili at kumain ng lahat ng uri ng shellfish gayundin ng alamang na magmumula sa mga nasabing lugar.
Uubra namang kainin ang mga isda, pusit, hipon at alimasag na magmumula sa mga nasabing lugar bagamat kailangang hugasan o linisin itong mabuti.
Samantala, ligtas na sa red tide toxins ang Maqueda at Villareal Bays sa Western Samar.
