Nilinaw ni Vice President Jejomar Binay na walang pinag-usapang pulitika sa pagkikita nila ni Senador Chiz Escudero.
Ang pahayag na ito ni Binay ay kasunod ng pagkikita nila ni Escudero sa isang restaurant sa Davao City noong linggo ng tanghali na inorganisa ng negosyanteng si Antonio Tonyboy Floirendo.
Ayon kay Binay, napaka-iksi nga lamang daw ng kanilang pagkikita at puro “hi” lamang ang kanilang naging pag-uusap.
Itinanggi rin ng bise presidente na nagkailangan sila ng senador dahil hindi aniya mangyayari iyon sa pagkat sila’y magkumpare.
Ang pagkikitang ito nina Binay at Escudero ay naging resulta ng isang intriga na tinataksil umano ng senador ang kaniyang katandem na si Senadora Grace Poe.
Samantala, bukod sa dalawa, naroon din sa naturang pagtitipon ang ilan sa mga senatorial bet binay na sina Jacel Kiram, Getulio napeñAs at ang batikang broadcaster na si Rey Langit.
By Allan Francisco
