Kasado na ang isasagawang victory party ni incoming President Rodrigo Duterte sa Crocodille Farm sa Davao City sa Sabado.
Gayunman, inaabisuhan ng mga organizers ang mga dadalo na bawal magdala ng payong sa halip, magsuot ng iba pang panangga sa ulan tulad ng kapote at ilagay sa mga transparent na lalagyan ang mga pagkain o inumin.
Batay sa report ng Philippine Atmospheric Geophysical and Astronomical Services Administration (PAGASA), inaasahan ang pagbuhos ng ulan sa Davao City sa mismong araw ng Sabado bagama’t wala namang namamataang Low Pressure Area o LPA.
Gayunman, nilinaw ng Weather Bureau na normal lamang ang mga pagbuhos ng ulan dahil sa unti-unti nang lumalakas ang hanging habagat na nakaaapekto sa weather system.
By Jaymark Dagala