Ikinasal na ang Taiwanese actor na si Vic Chou o mas nakilalang si Hua Ze Lei ng F4 sa drama series na Meteor Garden sa kanyang Taiwanese actress – girlfriend na si Reen Yu.
Inanunsiyo ni Vic Zhou ang kasal nila ni Reen sa pamamagitan ng pagpopost ng dalawang larawan sa kanyang account sa Chinese micro blogging website na Weibo.
Gayundin nag-share din ng larawan si Reen sa kanyang Facebook account ng couple photo nila ni Vic na ipinakikita ang kanilang wedding rings.
Si Vic ay ikalawang miembro ng F4 na nagpakasal kasunod ni Vaness Wu na ikinasal noong 2013.
Samantala, nagpaabot rin ng pagbati kay Vic ang mga dati niyang co-stars sa Meteor Garden na sina Barbie Hsu at Jerry Yan.
By Krista de Dios
