Sumirit pa sa panibagong all-time high na 11 point P92 trillion ang utang ng Pilipinas hanggang nitong katapusan ng Setyembre.
Pinaka-malaking bahagi nito ay domestic debt na P8.39 trillion habang P3.53 trillion sa foreign debt.
Sa datos ng Bureau of Treasury, umangat ng 2.4 percent ang outstanding debt hanggang katapusan ng Setyembre mula sa P11.64 trillion noong Agosto at 27.2 percent increase mula P9.37 trillion noong 2020.
Inamin naman ni Finance Secretary Carlos Dominguez na inaasahang manghihiram pa ng karagdagang P3 trilyong ang gobyerno ngayong taon at dalawa punto dalawang trilyong piso sa susunod na taon. —sa panulat ni Drew Nacino
