Papalo sa animnapu’t isang libong piso (P61,000) ang utang ng bawat Pilipino.
Batay ito sa ulat ng Bureau of Treasury kung saan nasa P6.2 trilyong piso ang sinasabing kabuuang utang ng pamahalaan sa pagtatapos ng taon.
Ayon kay Kabataan Partylist Representative Terry Ridon, nangangahulugan ito na kahit ang sanggol na isisilang pa lamang ngayong tao ay may libu-libo nang utang na sasalubungin.
Binigyang diin ni Ridon na resulta ito ng pagsandal ng gobyerno sa pangungutang sa layuning mapondohan ang mga ambisyosong proyekto.
Una rito, plano ng gobyerno na umutang ng higit pang P1 trilyong piso sa 2016 kung saan mahigit P300 bilyong piso ang gagamitin bilang pambayad utang.
By Ralph Obina
