Nakatakdang magsalita si Pangulong Rodrigo Duterte sa Lunes, ika-12 ng Abril.
Ito’y matapos kumpirmahin sa text message ni Presidential Spokesperson Harry Roque sa mga reporters.
Magugunitang, kinansela ang “talk to the people” ni Pangulong Duterte noong Lunes at Miyerkules dahil mahigit 100 ang nagpositibo sa COVID-19 sa kanyang security team.
Marami rin ang naglabasan na espukalasyon na hindi na maayos ang kondisyon ng kalusugan ng Pangulo.
Dahil dito, naglabas ng ilang litrato si Sen. Bong Go kung saan nagmotor at nagjogging ang Pangulo upang ipakita na malakas pa ito at walang nararamdamang sakit.—sa panulat ni Rashid Locsin
