Inilunsad ng Manila City Jail sa kauna-unahang pagkakataon ang senior high school program para sa mga detainees nito.
Ayon sa Bureau of Jail Management and Penology (BJMP)-Manila, nais nitong mabigyan ng pagkakataon ang mga preso na maipagpatuloy ang kanilang pag-aaral habang pinagsisilbihan ang kanilang sintensya.
Nasa 200 preso naman ang tinatayang makikinabang sa naturang programa sa pakikipagtulungan ng Department of Education at ODB Montessori of Novaliches.
106 sa 200 benepisyaryo ay lalakeng inmates habang 94 naman ang mula sa female dormitory.
Sa ilalim ng programa, lalahok ang mga preso sa online classes tuwing weekdays habang dadalo naman ang mga ito sa in-person classes naman tuwing Sabado. —sa panulat ni Hannah Oledan