Makakatanggap ang mga doktor at nurse na mula sa Visayas na tutulong sa Metro Manila ng P70,000 cash incentives.
Ito ay ayon sa Office of the Presidential Assistant for the Visayas (OPAV) Secretary Michael Diño, ang matatanggap na incentives ay bukod pa sa buwanang sahod ng mga ito.
Dagdag ni Diño, ang inilaang pondo ay mula sa OPAV, Cebu Provincial Government at Cebu City government.
Aniya, magbibigay ng P5,000 kada buwan ang OPAV sa mga health workers kada buwan.
Bukod dito, magbibigay rin si Cebu Governor Gwendolyn Garcia ng P5,000 at karagdagang P10,000 sa pagbalik ng mga health care workers sa Cebu.
Kasama sa ibibigay ni Garcia ang tatlong buwang supply ng vitamins at wearable air purifier sa bawat volunteer.
Habang P10,000 naman bawat volunteer ang ipapamahagi ni Cebu City Mayor Edgardo Labella.
Samantala, ang mga health care workers na mula sa Visayas ay itatalaga sa mga sumusunod na ospital:
– National Kidney Transplant Institute
-Jose Reyes Memorial Medical Center
-Lung Center Of The Philippines
-Rizal Medical Center
-Tondo Medical Center—sa panulat ni Rashid Locsin