Nilinaw ng Department of Labor and Employment (DOLE) na hindi kabilang ang United Kingdom (UK) sa 7,000 deployment cap ng healthcare workers sa ibayong dagat.
Ayon kay labor secretary Silvestre Bello, III, humiling na ang UK ng exemption sa deployment cap bago ito ipatupad noong January 1, 2021.
Sadya anyang sinuwerte ang British Government dahil kahit kinakapos na ang Pilipinas ng healthcare workers, nakahirit pa ng exemption ang Britanya at nakapagdeploy pa ng maraming filipino.
Matapos nito ay nagtakda na ng limitasyon sa health workers na ipinadadala dahil posibleng ang Pilipinas naman ang kulangin sa frontline medical personnel para sa COVID-19 pandemic response.
