Nangako ang Turkey na hindi na sila magpapadala ng karagdagang tropa sa Mosul sa Iraq matapos magbanta ang naturang bansa na magpapasaklolo ito sa United Nations.
Ito ay sa harap ng iginigiit ng Iraq na labag sa soberenya ng kanilang bansa ang pagde-deploy ng Turkey ng mga tauhan nang hindi man lang anila dumadaan sa konsultasyon.
Ayon sa Turkey handa silang makipagtulungan sa Iraq ngunit malamig ito sa apelang pagbawi sa kanilang tropa sa Mosul.
Ang Mosul ay sinasabing pinagkukutaan ng mga miyembro ng Islamic State of Iraq and Syria o ISIS.
By Ralph Obina
