Nalubog sa baha ang tulay sa Tuguegarao City, Cagayan dahil sa pagbayo ng Bagyong ‘Tisoy’.
Dahil dito, ipinabatid ng Cagayan Provincial Information Office na hindi na muna maaaring daanan ng lahat ng uri ng sasakyan ang Pinacanauan Bridge.
Ang nasabing tulay ay nilagyan na ng harang para matiyak na wala nang makakadaang sasakyan.
Ang Cagayan, Isabela at Apayao ay nakakaranas ng malakas na ulan dahil sa Bagyong ‘Tisoy’.
