Ilang oras mula nang maglabasan ang resulta ng boto sa US elections, kapwa nagdeklara na si US President Trump at katunggali nitong si Joe Biden na ‘panalo’ na sila sa eleksyon.
Ito’y sa kabila nang hindi pa natatapos ang pagbibilang at wala pa sa mga ito ang nakakaabot sa magic number na 270 na mga electoral votes.
Nauna rito, sa isang pahayag, sinabi ni Biden na kumpyansa na siya na maganda ang itinatakbo ng nagpapatuloy na botohan.
Habang sa isang twitter post, sinabi ni incumbent President Trump na siya’y maglalabas ng statement na nagsasaad na ‘a big win’ o pagkapanalo nito.
Sa pinakahuling bilang, nangunguna si Biden na may 237 na electoral votes, habang may 213 naman si Trump.
