Naniniwala si Top Rank CEO at promoter Bob Arum na mayroon ng susunod sa yapak ng mga mahuhusay na Mexican boxer gaya nina Erik Morales, Marco Antonio Barrera at Julio Cesar Chavez.
Ito ang inihayag ni Arum bunsod ng inaabangang under-card match ng isa sa mga rising Mexican boxing star na si Oscar Valdez sa sagupaang Manny Pacquiao at Jessie Vargas.
Ayon kay Bob, nag-uumpisa pa lamang ang career ni Valdez at inaasahang makahaharap ng bente singko anyos na Mehikano ang mas maraming kalaban sa featherweight division.
Magugunitang pinabagsak ni Valdez si Matias Adrian Rueda sa second round ng kanilang bakbakan noong July 24.
Para naman kay Oscar, isang malaking bagay kahit kaninong bagitong boksingero ang mapabilang sa under-card match sa mga laban ni Pacman.
Hawak ni Valdez ang 20 wins kabilang 18 knockouts at 0 loss at makakarap sa Pacquiao-Vargas undercard si Hiroshigi Osawa ng japan sa Thomas and Mack center, sa Las Vegas, Nevada, sa November 5.
By: Drew Nacino