Posibleng madagdagan pa ang 54 na celebrity na kabilang sa updated drug list ng NCRPO
Ayon ito kay NCRPO Director Chief Supt Oscar Albayalde sa gitna na rin ng mga naarestong artista sa anti illegal drug operations ng mga otoridad
Sinabi ni Albayalde na ang mga nadagdag sa kanilang listahan ay nagmula kina SABRINA M at Krista Miller na una nang naaresto ng QCPD dahil sa illegal drugs
Gayunman tumanggi si Albayalde na isapubliko ang pangalan ng mga naturang artista dahil bina validate pa aniya nila ang nasabing listahan
Karamihan aniya sa mga celebrity na nasa drug list ay gumagamit ng shabu, cocaine at party drugs
Kasabay nito nilinaw ni Albayalde na hindi kabilang sa kanilang listahan si Mark Anthony Fernandez na una nang naaresto dahil sa isang kilo ng marijuana nuong nakalipas na linggo sa Angeles City sa Pampanga
By: Judith Larino
