Kinumpirma ng preparation committee ng kampo ni Incoming President Ferdinand ‘Bongbong’ Marcos Jr. na si Toni Gonzaga ang kakanta ng lupang hinirang, na pambansang awit ng Pilipinas sa inagurasyon ng bagong pangulo sa Hunyo 30.
Habang aawitin naman ni Chris Villonco kasama ang Young Voices of the Philippines Choir ang ‘Pilipinas Kong Mahal’.
Matatandaang si Toni ay isa sa mga mang-aawit at host na nagmarka noong kasagsagan ng nakaraang campaign season.
Mababatid na gaganapin ang panunumpa ni Marcos ngayong darating na Huwebes sa National Museum sa Maynila.
