Bumuo na ng special investigation task group ang Police Regional Office-7 na mag-iimbestiga sa kaso ng pananambang kay Daanbantayan, Cebu Mayor Vicente Loot at pamilya nito.
Ayon kay PRO-7 Director Chief Superintendent Robert Quenery, kanya nang ipinag-utos ang pagbibigay ng karagdagdang seguridad para sa pamilya ni Loot.
Dagdag pa ni Quenery, agad na nagtupad ng deployment ang quick reaction team ng militar at pulisya matapos ang pananambang para sa follow-up operation at checkpoint laban sa mga suspek.
Kahapon ng umaga nang tambangan ng mga armadong lalaki ang alkalde na nag-resulta ng pagkasugat ng kanyang mga kasamang drayber, porter at yaya.
—-
