Suportado ng ilang matataas na opisyal ng Supreme Court ang panawagan ni Citizen’s Crime Watch Legal Head Atty. Ferdinand Topacio na magbitiw sa puwesto si Atty. Theodore Te bilang tagapagsalita ng high tribunal.
Ayon sa hindi nagpakilalang opisyal, dapat sumunod na si Te na umalis sa kaniyang puwesto bilang Supreme Court Spokesman bilang co-terminus ng nagtalaga sa kaniya na si dating Chief Justice Maria Lourdes Sereno.
Subalit sinabi ng opisyal na tatlong mahistrado ang nagpalawig sa termino ni Te, maliban na lamang kung may uupo nang bagong punong mahistrado na magtatalaga naman ng sarili nitong tagapagsalita.
Magugunitang nagpahayag ng kaniyang pagtutol si Atty. Te sa social media sa pagpabor ng mga mahistrado sa Quo Warranto Petition laban kay Sereno, bagay na ayon kay Topacio ay hindi akma sa kaniyang posisyon bilang tagapagtalita ng high tribunal.
