Tatamaan ang supply chain ng Pilipinas sakaling magtaas ng taripa ang amerika sa mga produkto sa ilalim ng administrasyon ni U.S. President Donald Trump.
Ayon kay national economic and Development Authority Secretary Arsenio Balisacan, kapag nagtaas ng taripa ang U.S., posibleng gumanti rin ang ibang bansa, at tiyak na ma-a-apektuhan nito ang global economy.
Bukod dito, matagal na rin aniyang apektado ang ekonomiya ng bansa ng external sector kaya’t kailangan itong bantayan.
Kaugnay nito, iginiit ng NEDA Chief na dapat pang paigtingin ang mga hakbang para palawakin ang ekonomiya, kaakibat ng pagiging agresibo sa bilateral at regional trading arrangements.
Samantala, positibong balita aniya na halos 60% ng ekonomiya ng bansa ay domestic, habang 70% naman ay mula sa sektor ng serbisyo. – mula sa ulat ni Gilbert Perdez (Patrol 13)
