Muling niyanig ng malakas na lindol ang Southern California.
JUST IN: Southern California, niyanig ng magnitude 7.1 na lindol pic.twitter.com/OrQqDook7I
— DWIZ Newscenter (@dwiz882) July 6, 2019
Batay sa ulat, naitala ng U.S. Geological Survey at European Mediterranean Seismological Agency ang magnitude 7.1 na lindol malapit sa ridgecrest sa Kern County.
Isang araw naman ito matapos ang naunang pagtama ng magnitude 6.4 na lindol sa kaparehong lugar.
Kasunod nito, agad nagdeploy ng mga sasakyan at helicopters ang Los Angeles Fire Department para alamin kung nagdulot ng mga pinsala sa mga ari-arian at kung may nasaktan sa pagyanig.
Samantala, sa pinakahuling ulat, ibinaba ng European Mediterranean Seismological Agency sa magnitude 6.1 ang lakas ng nabanggit ng lindol.
