Muling binuksan sa mga motorista ang southbound portion ng Roxas Boulevard malapit sa Libertad Pumping Station sa Pasay City.
Ayon sa Department of Public Works and Highways (DPWH), pwede nang dumaan ang mga sasakyan, maliban sa mga trak, sa naturang kalsada.
Ito ay matapos makumpleto ang 54.9 linear meter replacement ng nasirang Libertad box culvert o drainage main structure at road pavement.
Samantala, patuloy naman ang rehabilitasyon ng DPWH sa kalsada at mahigpit na pinapaalalahanan ang publiko na pansamantalang dumaan sa northbound service road o iba pang posibleng alternatibong ruta. —sa panulat ni Mara Valle
