Naabot ng Department of Health (DOH) ang target na mahigit 90K o 60% ng indibidwal na kailangang mabakunahan sa ginanap na special vaccination days.
Naganap ito mula March 29 hanggang 31.
Ayon kay Health Usec. Maria Rosario Vergeire, isinagawa ang programa sa Cebu, Region 11, Region 12, at sa Bangsamoro Autonomous Region in Muslim Mindanao (BARMM).
Tiniyak naman ng opisyal na hindi titigil ang pamahalaan hangga’t hindi natuturukan ang mga Pilipinong kwalipikado sa bakuna.
Sa pinakahuling tala, nasa 142.4M doses na ng COVID vaccines ang naiturok sa buong bansa. – sa panulat ni Abby Malanday