Ipinauubaya na ni Solicitor General Menardo Guevarra kay Pangulong Ferdinand Marcos Jr. ang desisyon kung dapat pa siyang manatili sa pwesto matapos tumangging maging kinatawan ng mga opisyal ng gobyerno sa petisyon na kumukwestyon sa pagkaka-aresto kay dating Pangulong Rodrigo Duterte.
Muling iginiit ni Sol. Gen. Guevarra na walang hurisdiskyon ang International Criminal Court sa Pilipinas matapos itong kumalas sa Rome Statute noong 2019.
Sa isang text message, sinabi ng opisyal na wala siyang conflict of interest sa kabila ng pagiging isa sa mga gabinete ni dating Pangulong Duterte, nang maging kalihim ng Department of Justice.
Nire-represesenta aniya ng Office of the Solicitor General ang interes ng bansa, wala nang iba pa at ang kanyang pagtanggi ay hindi personal kundi institusyonal.
Ipinunto ng opisyal na mananatili ang posisyon ng OSG, sinuman ang mga sangkot na personalidad. —sa panulat ni Laica Cuevas
