Nanawagan ang Regional Task Force to End Local Communist Armed Conflict (RTF-ELCAC) sa Catholic Bishops’ Conference of the Philippines (CBCP) na iwasang gamitin ang krus sa ngalan ng pulitika ng simbahan.
Ito’y matapos ihayag ni CBCP President at Caloocan Bishop Pablo Virgilio David nitong Biyernes Santo na ang “red-tagging” ay isa sa mga pinakalumang estratehiya ng mga tiwaling pulitiko para pigilan ang hindi pagkakaunawaan, na ginagamit hanggang ngayon.
Gaya aniya ng ginawa sa Lumad doctor na si Dra. Natividad Castro na inakusahan ng kidnapping at serious illegal detention ng Philippine National Police at kay Jesu-Kristo na naging biktima mismo aniya “red-tagging,” noon kung saan naghugas kamay si Poncio Pilato sa kabila na alam nito ang katotohanan.
Pinabulaanan naman ito Western Visayas RTF-ELCAC Prosecutor 2 Flosemer Chris Gonzales at iginiit na si Hesus aniya ay biktima ng mga intriga hindi kailanman nakipag-ugnayan sa mga pariseo at sa kanyang iba pang mga kritiko sa pulitika.
