Smoking Ban o EO#26  isa na naman umanong milestone sa gobyerno

Itinuturing  ng  Malacanang  na  isa na namang  milestone  sa  gobyerno para  protektahan ang  kalusugan ng  publiko ang  implementasyon ng  smoking ban sa  mga  pampublikong  lugar  sa  buong  bansa.

Sinabi ni Presidential Spokesman Ernesto Abella , ang  implementasyon ng   Executive  Order # 26  ay  katuparan  ng  pangarap na  maging  tobacco-free ang bansa sa  mga  darating  na  panahon.

Dahil dito hinimok  ni Abella  ang publiko na  makipagtulungan  at  suportahang maipatupad  ang  Smoke  Free Establishments sa  mga  pampublikong  lugar .

Ang  smoking  ban  ay unang  ipinatupad  ni Pangulong  Rodrigo Duterte sa  mga  pampublikong  lugar sa Davao City  kayat   sa  pamamagitan  ng  EO#26 ay  ipapatupad  na  ito sa  buong  bansa.

Obligado ang  mga  lokal na  pamahalaan na  ipatupad  ang direktiba  at ang  mga  lalabag  ay   pagmumultahin  o kaya  ay  makukulong  depende  kung  ilang  beses  na  lumabag  ang  mga ito.

By: Aileen Taliping

Comments

comments