Kabiguang makadalaw ni Liberal Intl. Pres. Monives kay Sen. De Lima di dapat umano bigyan ng kulay  

Hindi   dapat  palakihin at  bigyan ng  kulay ang  kabiguan  ni Liberal  International President  Juli Minoves na  makita  sa  kanyang  detention  cell si Senadora  Leila de  Lima  matapos  hindi ito pinayagan ng  Philippine National Police.

Sinabi ni Presidential Spokesman Ernesto Abella  na  naipaliwanag  na  ng  PNP  kung  bakit  tanging  si Minoves  ang   hindi nakapasok sa  detention cell ni De  Lima sa Kampo  Crame nang  dalawin  ito  ng  kanyang  mga  bisita.

Mahigpit  aniya  ang ipinaiiral na  protocol ng  PNP Custodial Center at  wala  ang  pangalan ng  Liberal International President sa  mga  isinumiteng  pangalan na  inaprubahang  bumisita  sa  Senadora.

Nakapasok  aniya  ang  mga  kasamahan ni Minoves  at nakita  si De  Lima  dahil  nailagay ang  mga  ito sa  listahan.

Itinuturing  ng  palasyo na  non-issue  ito kayat  walang  dahilan aniya  para  ito ay palakihin.

By: Aileen Taliping

Comments

comments