Nagpa-abot ng tulong ang San Miguel Corporation (SMC) sa pamilya ng limang rescuers na nasawi habang nagsasagawa ng rescue operation sa gitna ng pananalasa ng Bagyong Karding.
Ayon kay Ramon Ang, Presidente at CEO ng SMC, ang bawat pamilya ng mga nasawing biktima ay makakatanggap ng tig-P2-M.
Bukod pa dito, nag-alok din ang SMC ng tulong pangkabuhayan sa mga pamilya ng mga nasawi na nagpakita ng kabayanihan para gampanan ang kanilang tungkulin.
Ang nasabing tulong ay bilang pagkilala sa mga rescuer na nagbuwis ng kanilang buhay para sa kaligtasan ng taumbayan.
