Gagamitin na bilang data encoders ang mga Sangguniang Kabataan (SK) para sa ikakasang Nationwide Vaccination Drive mula November 29 hangang December 1 ngayong taon.
Ayon kay DILG Undersecretary Jonathan Malaya, nakikipag-ugnayan na ang kanilang ahensya sa National Youth Commission at SK Federation upang makuha ang serbisyo ng mga SK para sa bakunahan.
Bukod sa mga SK, magpapadala rin ang Department of Education (DepEd) ng mga guro para tumulong habang magpapakalat naman ng mga additional encoders para sa vaccination drives sa ilalim ng Government Internship Program ang Department of Labor and Employment (DOLE).
Samantala, inaanyayahan naman ng Department of the Interior and Local Government (DILG) ang bawat Pilipino na makiisa at magparehistro na sa pinakamalapit na Local Government Unit (LGU) sa kanilang mga lugar.
Sa ngayon hinihikayat nadin ng ahensya ang mga bakunado na mag volunteer bilang mga vaccinators. —sa panulat ni Angelica Doctolero
