Patuloy na binabaybay ng Tropical Depression “Agaton” ang bisinidad ng Santa Rita, Samar.
Huling namataan ang mata ng bagyo sa hilaga-hilagang-kanluran ng Samar at may lakas ng hanging aabot sa 45 kilometro kada oras at pagbugsong aabot sa 60 kilometro kada oras.
Dahil dito, itinaas ng pagasa ang Tropical Cyclone Wind Signal (TCWS) no. 1 sa Southern portion ng Masbate, Eastern Samar, Samar, Northern Samar, Biliran, Leyte, Southern Leyte, Northeastern portion ng Cebu, Camotes Island at Dinagat Islands.
Samantala, posible ding tamaan o maglandfall ang bagyong Agaton sa bisinidad ng Samar-Leyte-Biliran bago lumiko pa silangang-timog-silangan patungong Philippine Sea at inaasahang lalabas ng Philippine Area of Responsibility (PAR) mamayang gabi o Miyerkules ng umaga. — sa panulat ni Angelica Doctolero