Isang serial petty thief ang umano’y tuma-target ng ilang estudyante sa University of the Philippines (UP) campuses, kabilang ang UP Diliman at UP-Bonifacio Global City (BGC), noong nakaraang linggo.
Ayon sa biktima, isang 19-anyos na estudyante ng business administration sa UP Diliman, ninakaw ng suspek ang kanyang iPad na nagkakahalaga ng P20,000 habang iniwan sa library para sa charging. Kapareho umano ng naunang insidente sa UP-BGC ang hitsura ng suspek, kabilang ang suot nitong black shirt na may larawan ng NBA player Lamelo Ball.
Gumamit ang biktima ng “Find My” feature ng iPad, na nagturo sa huling lokasyon nito sa isang phone repair shop sa Fairview, Quezon City, ngunit itinanggi ng mga tao roon na naidala ang iPad sa kanilang tindahan.
Patuloy ang imbestigasyon ng pulisya, habang pinapayuhan ang mga estudyante na maging maingat sa pag-iwan ng kanilang gamit sa mga pampublikong lugar.
