Ikinukonsidera nang “case solved” ng Philippine National Police ang pagpaslang sa Amerikanong marine biologist na si Dr. Kent Carpenter.
Ayon sa PNP, ito’y dahil nahulog na sa kamay ng batas ang apat sa anim na suspek sa naturang pagpatay.
Dagdag pa ni PNP Spokesman Col. Allen Rae Co, patuloy nilang pinaghahanap ang dalawa pang suspek.
Matatandaang binaril at ninakawan si Carpenter sa kanyang tahanan sa Sibulan, Negros Oriental noong Hulyo a-dose.
Nakilala si Carpenter sa kanyang pagtuklas sa Verde Island Passage bilang “Center of the Center of Marine Shorefish Biodiversity.”
Tumestigo rin ang Amerikanong marine biologist para sa Pilipinas sa panalo nito sa arbitral ruling tungkol sa West Philippine Sea. | Sa panulat ni Anjo Riñon
