Tiniyak ng Department of Labor and Employment (DOLE) na nagpapatuloy na ang pagrepaso sa minimum wage sa mga rehiyon sa labas ng Metro Manila.
Ayon kay Labor Secretary Francis Tolentino, nakabatay ang pagpapatupad ng wage increase sa schedule ng pagsusuri ng bawat Regional Tripartite Wages and Productivity Board.
Nilinaw ni Tolentino na hindi maaaring magpatupad ng higit sa isang wage adjustment sa loob ng isang taon, alinsunod sa umiiral na mga patakaran sa pagtatakda ng minimum wage.
Bawat rehiyon anya may kanya-kanyang timetable at isinasaalang-alang ang kalagayan ng lokal na ekonomiya bago magpalabas ng bagong wage order.
Patuloy namang binabantayan ng DOLE ang mga regional wage review upang matiyak na ang anumang umento sa sahod ay magiging balanse para sa kapakanan ng mga manggagawa at kakayahan ng mga negosyo. | mula sa panulat ni Jordan Gutierrez
