Pinalilinaw ni Senate Majority Leader Vicente “Tito” Sotto III kay Justice Secretary Vitaliano Aguirre ang papel o tungkulin ng PAO o Public Attorney’s Office sa kontrobersya hinggil sa Dengvaxia.
Ito’y ayon kay Sotto sa harap na rin ng panawagan ng iba’t ibang grupo sa PAO na ipaubaya na lamang sa DOJ o Department Of Justice at mga medical experts ang imbestigasyon at pagbibigay pahayag kaugnay sa usapin.
Ayon kay Sotto, mahalagang maging malinaw kung ano talaga ang mandato ng PAO sa naturang isyu upang matigil na rin ang mga kuwesyon, pangamba at pagdududa sa kakayahan ng mga sinasabing forensic experts nito na mag-imbestiga.
Magugunitang binatikos nila Senador JV Ejercito, Richard Gordon at Sotto ang maagang paghahabla ng PAO laban sa mga itinuturong pangunahing nasa likod ng naturang kontrobersiya.
Ulat ni DWIZ Patrol Reporter Cely Ortega-Bueno
Posted by: Robert Eugenio
