Asahan na ang pag-upo ni Senador Allan Peter Cayetano bilang kalihim ng Department of Foreign Affairs sa susunod na taon.
Kinumpirma ni Pangulong Rodrigo Duterte na papasok na sa kanyang gabinete si Cayetano sa sandaling bumalik na sa Amerika si DFA Secretary Perfecto Yasay.
Nakiusap lamang aniya siya kay Yasay na pansamantalang hawakan ang DFA at pinagbigyan naman siya nito.
Samantala, wala pang naiisip ang Pangulong Duterte na ibibigay na puwesto para kay Dating Senador Bongbong Marcos.
Pero, binanggit nito na interesado si Marcos sa Department of Tourism post.
By: Meann Tanbio / Aileen Taliping