Walumpung (80) porsyento nang sigurado si Justice Secretary Leila de Lima sa pagtakbo sa pagka-senador sa 2016 elections.
Ayon kay de Lima, kukumpirmahin niya ang kanyang plano sa 2016 sa kanyang kaarawan sa Agosto 27.
Nauna nang inihayag ni Liberal Party Chair for Political at Caloocan Representative Edgar Erice na kinukunsider nila si de Lima na mapasama sa senatorial slate ng partido.
Bukod kay de Lima, kasama pa sa inaasahang mapapasama sa senatorial line up ng Liberal Party sina dating Rehabilitation Czar Panfilo Lacson, Camarines Sur Representative Leni Robredo at Presidential Adviser on Food Security and Agricultural Modernization Francis “Kiko” Pangilinan.
By Meann Tanbio
