Ipinagtanggol ni Pangulong Rodrigo Duterte si DOTR o Department of Transportation Secretary Arthur Tugade sa harap na rin ng mga alegasyon ng katiwalian na ibinabato sa kalihim.
Sa paglulunsad ng Lagundingan Airport sa Cagayan de Oro City bilang ikapitong domestic hub ng Cebu Pacific, sinabi ng Pangulo na masyado nang mayaman ang kalihim para masangkot pa sa katiwalian.
Magugunitang kilalang malapit sa Pangulo si Tugade na kaklase nito sa law school nuong sila’y nag-aaral pa ng abogasya sa San Beda College School of Law.
