Muling hinimok ni dating ABAKADA Partylist Representative at DWIZ Karambolista na si Jonathan Dela Cruz ang Korte Suprema na maglabas na ng TRO o Temporary Restraining Order.
Ito’y may kaugnayan sa pinasok na firetruck deal ng DILG o Department of Interior and Local Government sa Austrian company na Rosenbauer International na nagkakahalaga ng tatlong bilyong piso (P3-B).
Giit ni Dela Cruz, ang nasabing kontrata ang naging mitsa ng pagkakasibak ni dating Secretary Ismael Mike Sueno dahil ipinagpatuloy pa rin nito ang kontrata sa kabila ng nakabinbing mosyon sa high tribunal para harangin iyon.
Una nang idinepensa ni Sueno ang nasabing kontrata mula sa Austria na aniya’y mas mura sa ilalim ng soft loan agreement na babayaran ng Pilipinas sa loob ng 23 taon na may mababang interes.
By Jaymark Dagala
