Kapwa gumagamit na ng mga long range missile ang Russia at Ukraine sa gitna ng nagpapatuloy na digmaan sa pagitan ng dalawang bansa.
Kahapon, isa ang patay habang sugatan ang hindi pa mabatid na bilang ng residente matapos tumama ang isang Russian long range missile sa tuktok ng siyam na palapag na gusali sa Kyiv, Ukraine.
Inilunsad ng Russia ang pag-atake sa gitna ng pulong ng G-7 countries sa pangunguna ni US President Joe Biden sa Germany.
Una nang gumamit ang Ukraine ng long range rocket system na himars, na ibinigay ng Amerika, kaya’t rumesbak ang Russian forces.