Kumalas na si World Number 3 Roger Federer sa coach nitong si Stefan Edberg matapos ang dalawang taon.
Ayon sa Swiss 17 time grand slam winner, isang karangalan at katuparan ng kanyang pangarap ang maging coach si Ednerg na kanya aniyang idolo simula pagkabata.
Sa ngayon, mananatiling main coach ni Federer si Severin Luthi.
Matatandaang umabot si Federer sa Wimbledon at US Finals ngunit kapwa ito natalo kay Novak Djokovic.
Pero sa dalawang taong pagco-coach ni Edberg kay Federer, nasungkit ng Swiss tennis star ang limang ATP titles noong 2014 at anim na titulo ngayong taon.
By Ralph Obina
