Hindi kailanman trinato ng hindi parehas si dating Senador Ferdinand Bong Bong Marcos.
Binigyang diin ito ni Vice President Leni Robredo matapos umalma sa mga bagong claim ni Marcos kaya’t pinapa-inhibit si Supreme Court Associate Justice Marvic Leonen sa pagdinig sa apat na taong nang electoral protest nito laban sa Bise Presidente.
Sa isinampang counter manifestation ng kaniyang mga abogado iginiit ni Robredo na dalawang beses natalo si Marcos una sa 2016 elections at ikalawa sa muling pagbilang ng boto mula sa tatlong lalawigang sinasabi ng dating senador na dinaya siya.
Tinawag ni Robredo na desperado si Marcos sa pagpapalabas na may kredibilidad ito para panindigang talagang dinaya siya sa vice presidential race.
Ayon pa sa kampo ni Robredo ang dating senador ay nabigyan ng maraming pagkakataon para patunayan ang wala namang ebidensyang pinalalabas nitong dayaan sa eleksyon.