2 preso patay sa riot sa Camp Bagong Diwa

Patay ang dalawa katao, habang sugatan ang 15 iba pa makaraang sumiklab ang riot sa pagitan ng mga miyembro ng Bahala Na Gang at Sputnik sa loob ng MMDJ o Metro Manila District Jail sa Camp Bagong Diwa sa Taguig City.

Ayon kay Fronstone Dang-Iw, Chief Community Relation Service ng BJMP-NCR, batay sa spot report ay tig-isa ang namatay sa parehong mga gang dahil sa tinamong saksak at head injury.

Nangyari ang riot bandang alas-6:50 ng gabi noong Martes at ang itinuturong dahilan ng pag-aaway ay bunsod ng mahigit isang linggong kawalan ng suplay ng kuryente sa kulungan.

Anim (6) sa mga sugatan ang seriously injured na dinala sa Taguig Pateros District Hospiral habang ang iba naman ay nagtamo ng minor injuries na dinala naman sa medical infirmary ng MMDJ.

Kasalukuyang naka-lockdown at nasa red alert status ang kulungan kung saan ang mga nakakulong ay nakahiwalay base sa kinabibilangan nilang gang.

By Meann Tanbio

Comments

comments