Target bawasan ng Department of Health (DOH) ang restrictions na nakapaloob sa pandemic alert level system.
Ayon kay DOH Officer-In-Charge Maria Rosario Vergeire, kanilang irerekomenda sa Inter-Agency Task Force na alisin na ang ilang restrictions dahil nagiging maganda na ang naitatalang kaso ng COVID-19 kada araw at patuloy din sa pag-angat ang ekonomiya ng bansa.
Matatandaang nauna nang sinabi ng DOH na hindi pa maaaring masabi na malapit na sa endemic stage o pangkaraniwan nalang na sakit ang COVID-19 sa bansa kung saan, mahalaga parin ang pag-iingat dahil nananatili parin ang virus.
Sinabi ni Vergeire na posibleng magdulot ng panganib o posibleng maging super spreader events ang nalalapit na Pasko dahil sa dami nang taong lumalabas at nagpupunta sa mga pampublikong lugar.
