Naging matagumpay ang isinagawang Relief Drive Operation ng kamara para sa mga nasalanta ng bagyong Paeng.
Ito ang inihayag ni House Speaker Martin Romualdez kung saan, kaniyang pinasalamatan ang mga kongresista at mga private sector na nagpaabot ng tulong sa mga biktima ng nagdaang bagyo.
Ayon kay Romualdez, patuloy paring dumaragsa ang mga tulong kung saan, pansamantala muna itong itatabi sa isang warehouse para sa safekeeping bago ipadala sa mga biktima ng kalamidad.
Sinabi ni Romualdez na ang pag-abot ng donasyon ng bawat isa sa mga nasalanta, ay patunay lamang na nabubuhay ang diwa ng bayanihan ng mga Pilipino sa panahon ng pangangailangan.
Sa ngayon, umabot na sa P26-M ang halaga ng in kind donations habang P49-M naman ang in cash donations at pledges na nalikom ng kamara para sa Paeng victims.
