Nakapagtala ang Department of Health (DOH) ng 11 kaso ng Dengue sa Ligao City, Albay.
Ayon kay Dr. Wynns Samar, City Health officer ng lalawigan, binubuo ang mga bagong kaso ng anim na lalaki at limang babae na edad 3 hanggang 31 taon.
Agad namang umikot sa lugar ang City Health personnel at Barangay Dengue Brigade upang inspeksiyunin at itapon ang mga bagay na maaaring pamahayan ng mga lamok.
Nagkaroon din ng Misting at Fumigation sa maraming lugar sa lalawigan na nakapagtala ng Dengue cases.