Inihayag ni Health Undersecretary Maria Rosario Vergeire na malaki ang posibilidad na hindi na palalawigin ng Inter-Agency Task Force (IATF) ang redlist sa bansa sa gitna ng banta ng panibagong virus na Omicron variant.
Ayon kay Vergeire, nagkaisa ang task force team na mananatili ang travel ban pero hindi na ito palalawakin dahil hindi umano pwedeng isara ang bansa mula sa iba’t-ibang lugar sa mundo.
Sinabi pa ni Vergeire na mas mainam kung hihigpitan nalang ang pagpapatupad ng health and safety protocols at mga border control point.
Sa kabila nito, aminado ang DOH na hindi mapipigilan ang pagpasok ng panibagong variant sa bansa.—sa panulat ni Angelica Doctolero
