Planong paiksiin ng U.S. Health Authorities ang 10-day recommended quarantine period para sa mga nagpositibo sa Covid-19 sa gitna ng pagkalat ng Omicron variant sa kanilang bansa.
Ayon kay White House Medical Adviser Anthony Fauci, naalarma ang Public Health Officials sa pagdami ng kaso ng nakahahawang sakit ngayong buwan ng Disyembre o ngayong nalalapit ang kapaskohan.
Base sa Federal Centers for Disease Control and Prevention, umabot sa 73% ang kabuuang bilang ng COVID-19 cases sa Estados Unidos kung saan, nagkaroon ng impeksiyon ang mga fully vaccinated population, kabilang na ang mga nabakunahan ng booster shot.
Kabilang sa mga tinamaan ay nakararanas ng mild syptoms habang ang iba naman ay asymptomatic.
Sinabi pa ni Fauci na malaking tulong ang rekomendasyon na bawasan ang 10-day quarantine para mabilis na makabalik sa trabaho o paaralan ang mga asymptomatic na indibidwal. —sa panulat ni Angelica Doctolero
