Ikinulong ng Turkey Police ang may 50 katao na pinaniniwalaang may kaugnayan sa Islamic State group.
Ito ay matapos magsagawa ng raid ang Turkey Police sa 17 lokasyon ayon sa Turkey State-Run News Agency.
Sinabi ng Anadolu Agency na lahat ng ikinulong ay mga foreign nationals at may planong bumiyahe sa mga conflict zones sa Syria at Iraq.
Matatandaang dalawang suicide bombings ang kumitil sa 102 katao noong isang linggo sa isang peace rally sa Ankara Capital.
Ayon sa unconfirmed reports, ang pag-atake ay kagagawan ng Turkish IS Group.
By Mariboy Ysibido
