Iniulat ng Quezon City General Hospital na simula March 9, lumampas na isandaang porsyento ang kanilang bed occupancy rate.
Ayon kay QCGH Director Dr. Josephine Sabando, na base sa hawak nilang datus, umabot na sa 106% ang kanilang COVID-19 bed occupancy noong nakalipas na March 9, at umakyat ito ng 137.5% noong March 10, bumaba ng bahagya noong March 11 sa 125%, habang 112% naman pagsapit ng March 12.
Pero sa kabila nito, inihayag ni sabando na patuloy parin silang tatanggap ng mga non-COVID-19 patients.
Nakatakda namang ibalik ng QCGH sa susunod na linggo ang teleconsultations para sa lahat ng mga outpatient.
Lahat naman ng mga pasyente na nangangailangan ng face-to-face consultation ay dapat na mag-report sa OPD para sa kanilang schedule.
Nagpapasalaman naman si Dra. Sabanda na wala sa kanilang mga health workers na na-asign sa mga COVID-19 patients ang nahawaan ng sakit.