Muling nanguna si Russian President Vladimir Putin sa “World’s Most Powerful Person” sa ikaapat na sunod na taon ng Forbes Magazine.
Pumangalawa naman si US President-elect Donald Trump; ikatlo si German Chancellor Angela Merkel; ika-apat si Chinese President Xi Jinping habang ikalima si Pope Francis.
Lumagpak naman sa 48th place si outgoing US President Barack Obama na mahigit isang buwan na lamang sa puwesto.
Basehan ng pagiging pinakamakapangyarihan ang lawak ng impluwensya ng Russia sa pangunguna ni Putin saanmang sulok ng mundo.
Mula Russia hanggang Syria, Ukraine hanggang sa US Presidential elections ay ramdam ang impluwensya ni Putin.
By Drew Nacino
