Hinimok ng Department of Environment and Natural Resources (DENR) ang publiko na suportahan ang cleanup drive ng pamahalaan sa Manila Bay tuwing Sabado.
Ito ay bahagi ng isinasagawang rehabilitasyon sa Manila Bay na sinimulan nuong Linggo, Enero 27.
Ayon kay Environment Undersecretary Benny Antiporda, maliban dito ay magsasagawa rin ang pamahalaan ng information at education campaign para sa mga informal settlers na naninirahan sa lugar upang malaman kung papaano mapapangalagaan ang kalikasan.
Katuwang ng DENR sa rehabilitasyon ng Manila Bay ang iba’t-ibang ahensya ng gobyerno maging ang mga lokal na pamahalaan.
